Ongi etorri Samurtasun Tailerrera

  • Autoezagutza eta hazkuntza pertsonalerako proposamena.
  • Sexualitatea, erotika eta maitatzeko artea esploratzeko gonbidapena.
  • Elkar aurkitu nahi duten emakumeen eta gizonen elkargunea.
  • Norbere burua eta elkar zaintzeko tartea.

Barruranzko bidaia.
Eta barnetik, bestearekin elkartzera.

Zer da Samurtasun Tailerra?

Samurtasun Tailerra laborategi bat da, non pertsona bakoitzak bere erritmoan eta konfiantza osoan hiru ardatz hauen inguruan esploratu dezakeen: gorputza, plazera eta komunikazioa.

Ingurune zaindua eta lagundua sortzen dugu; jolasen eta dinamiken bidez, gorputzarekin eta zentzumenekin, kontaktuarekin, begiradarekin, laztanekin eta besarkadekin lan egiteko aukera eskaintzen da.

Jolasetik eta gozamenetik, auto-zaintza eta elkarrekiko zaintza oinarri hartuta, sentsazioetan, sentimenduetan eta emozioetan murgiltzen gara; baita komunikazio, elkartze eta samurtasun gaitasunetan ere.

Datozen Tailerrei buruzko informazioa zure posta elektronikoan jaso nahi duzu?

Bidaia bihurtzen den Tailerra

Bidaia guztiak bezala, lehen urrats batekin hasten da hau ere:

Samurtasun Tailerra

Eta bidea egiten jarraitu nahi duenarentzat, bidaia osoa:

Samurtasunaren Bidaia

Biderako iparrorratza

Esplorazio bidaia honetan orientatzeko, iparrorratz bat dugu, Samurtasunaren Iparrorratza; Carlos Menéndezek oparitu zizkigun hiru jarraibideak biltzen ditu:

  • Ni naiz garrantzitsuena.
  • Ez dut egingo egin nahi ez dudan ezer.
  • Ez dut egin gabe utziko egin nahi dudan ezer.
Samurtasunaren Iparrorratza
ezagutu

Zure bidaia hasi nahi duzu?

Hurrengo datak

Nortzuk gara

Samurtasun Tailerra Olatz Marcos eta Aingeru Mayoren sorkuntza da, Carlos Menéndezen ondaretik abiatuta.

Gure historia
Gure sustraiak
  • 2003tik.
  • 20 urte baino gehiagoko esperientzia.

Carlos Menéndez

Sexualitatea plazera izateko gaitasuna da, komunikabide bat izanik, bere adierazpen gorena samurtasuna delarik.
Samurtasuna zuretzat garrantzitsua izateko gaitasuna da, zu niretzat garrantzitsua zarelako.

Zer diote Samurtasun Tailerretan parte hartu dutenek?

Niri, Samurtasun Tailerrak nire beldurrak askatasunez bizi eta adierazteko espazioa eskaini dit. Une oro ni izateko aukera, nire beldur eta lotsekin, gozatzeko, maitatzeko eta maitatua izateko ditudan konplexutasunekin. Epairik gabe. Eta laguntza hain maitakorrarekin… Pertsona bakoitzaren alderdirik samurrena ikusten ikasteko aukera ere izan dut. Tailerrak nire zaurgarritasuna, eta baita besteena ere, maitasunez begiratzeko eta zaintzeko tokia eskaini dit. Mundu politagoan sinesteko itxaropena oparitu dit. Bizitza maitasunetik bizi daitekeela erakutsi dit.
Uxue (29 urte)
Sentitzen dut tailerrak nigana hurbildu nauela, bizitza gorputz osoan zehar sentitzen duen eta jolasten super ondo pasatzen duen emakumearengana. Neskatoago ere sentitu naiz, baina ez txikiago, guztiz kontrakoa, handi sentitu naiz, oso seguru eta aldi berean dibertigarri, alai, zoriontsu… Sinestezinak, nire buruarekin izandako konexio uneak. Oso polit, sexual eta zoriontsu sentitzen nintzen, gorputz osoan plazera transmititzen nuelako.
Eli (30 urte)
Bake intentsuko uneak; ez zegoen beste ezer; orainaldi hutsa, interferentziarik gabe; zer gehiago eska liteke? Ba bai, gehiago eska daiteke.
 Manu (42 urte)
Tailerrak tresna oso interesgarriak eskaini dizkit bikotekidearekin eta besteekin partekatzeko, neure burua ezagutzeko (nire mugak, zailtasunak, gaitasunak…) eta baita besteak ezagutzeko eta haiekin gozatzeko ere.
Ane (29 urte)
Etxean, tailerraren ondoren, nire bizitza kolpe bakarrean ulertu nuen. Nire aurpegia ispiluan ikusi nuen eta nire irribarrea, nire bizitzako irribarre guztiak, nire aurpegiko irribarre guztiak. Irribarre polit hori, nirea, besteei ematen diedana, baina nik inoiz ikusi ez nuena.
 Ainhoa (39 urte)
Oso ondo trataturik eta zaindua sentitu naiz. Hainbesteko segurtasun eta konfiantza transmititu didazue…
 Mikel (49 urte)
Tailerrean sentitzen ikasten da, osotasunean sentitzen, izateaz gozatzen, ez gehiago edo gutxiago, hobeto edo okerrago egin ahal izateaz, baizik eta begiak itxi eta sentitzea zure azalean ematen eta jasotzen duzuna, zu zeu eta bestearen luzapen gisa. Bestea nigan, ni bestearengan eta soilik sentitu. Tailerra nire bizitzako esperientziarik ederrenetako bat izan da, zalantzarik gabe.
Tara (45 urte)